Banorët e parë të fshatit Labunishtë që patën mundësinë të kryejnë ritualin e shenjtë mysliman të Haxhit në vitin e largët 1900 ishin Qazim Qazimoski, Adil Bekiroski dhe Raim Alilov. Udhëtimi i tyre drejt vendeve të shenjta Mekës dhe Medinës ishte një rrugëtim i gjatë dhe sfidues, që zgjati një vit të tërë.

Ky udhëtim ishte i mbushur me kuptim shpirtëror dhe përkushtim, por edhe me shumë sprovime. Drejt Arabisë Saudite udhëtuan me kuaj, ndërsa atje me deve. Pasi kryen me sukses ritualin e Haxhit, ata u nisën përsëri drejt vendlindjes së tyre, duke sjellë me vete bekime shpirtërore dhe përshtypje të thella nga vendet e shenjta.

Megjithatë, udhëtimi i tyre përfundoi tragjikisht. Gjatë qëndrimit në një han në Bitollë, ata vdiqën nga helmimi me monoksid karboni. Shkaku i kësaj fatkeqësie ishte sasia e madhe e qymyrit që digjej në mangalin në dhomën ku qëndronin. Ky ngjarje tragjike la një trishtim të thellë dhe dhimbje te familjet e tyre dhe komuniteti në Labunishtë. Trupat e tyre janë varrosur në Bitollë.

Përkushtimi dhe dëshira e tyre për të përmbushur një nga shtyllat themelore të besimit islam mbeten të paharrueshme si një shembull i besimit, këmbënguljes dhe përkushtimit.

Një nga fotografitë është e Haxhi Qazim Qazimoskit, ndërsa fotografia tjetër është nga shënime të një banori të vjetër të Labunishtë.

Versioni ynë bazohet në një përzgjedhje nga ky dokument, megjithëse ekziston një version tjetër që përmend se së pari shkoi Adil Bekiroski dhe u kthye i shëndetshëm dhe gjallë, ndërsa vitin tjetër shkuan Qazim Qazimoski dhe Raim Adilov dhe udhëtimi i tyre përfundoi tragjikisht. Në Bitollë ka dy varre.