Fatkeqësisht, oborri i shkollës dhe vetë objekti janë gjithnjë e më shumë shënjestër e fëmijëve të pakujdesshëm dhe të pafytyrë, por edhe e individëve nga vendi ynë që qëllimisht shkatërrojnë atë që i përket të gjithë neve.

Së fundmi, hapësira u ndriçua me qëllim që të bëhet më e sigurt, më e bukur dhe më e këndshme për nxënësit dhe banorët. Në vend që të ruhet dhe përdoret si duhet, ndriçimi dhe hapësira e shkollës keqpërdoren, dëmtohen dhe shkatërrohen.

Siç na kanë informuar nga shkolla, për këtë problem është reaguar edhe te institucionet kompetente, por, fatkeqësisht, deri tani nuk ka pasur reagim të përshtatshëm apo masa konkrete për parandalimin e këtij sjelljeje.

Është e papranueshme që për shkak të disa banorëve të pakujdesshëm të vuajmë të gjithë ne, dhe më së shumti fëmijët tanë. Shkolla duhet të jetë një vend i sigurt, i pastër dhe me dinjitet për arsim, jo një ambient që po shkatërrohet e neglizhohet vazhdimisht.

Ngrihen dy pyetje të thjeshta, por shumë të rëndësishme: A është fare e pranueshme që një nga shkollat më të mëdha në shtet të duket kështu? A duhet fëmijët tanë të mësojnë dhe të qëndrojnë çdo ditë në këto kushte?

Çdo llambë e thyer, gardh i dëmtuar apo pjesë e shkatërruar e oborrit është dëm që i bëhet të gjithëve ne. Kjo nuk është vetëm problem i shkollës, por i gjithë komunitetit.

I bëjmë apel prindërve të flasin me fëmijët e tyre, qytetarëve të tregojnë më shumë përgjegjësi, dhe institucioneve kompetente të marrin masa konkrete.

Mos lejojmë që disa individë të pakujdesshëm të shkatërrojnë pasurinë e të gjithë komunitetit. Fëmijët tanë meritojnë shumë më mirë.