Вечерва, во просториите на спортската сала во Лабуништа, членови на Карате клубот „Ерол 2007“ кои се под менторство на Ерол Зенделоски успешно полагаа испит за ученички појаси (Кју степени).

Полагањето се одвиваше пред стручна испитна комисија составена од еминентни имиња во карате спортот:

Шефи Речи, претседател на комисијата, селектор за деца и инструктор во Карате клуб „Арена“,

Греса Мустафаи, повеќекратна државна шампионка на Република Македонија,

Мухамед Шаиноски, истакнат спортски работник.

Каратистите полагаа за 5-ти, 4-ти и 3-ти Кју (ученички степени), при што ги покажаа своите технички и тактички знаења преку изведба на кихон (основни техники), ката (форми) и кумите (борби), во согласност со пропишаните стандарди.

По успешно положениот испит, членовите на клубот се стекнаа со следните ученички појаси:

Жолт појас – 15 каратисти

Црвен појас – 13 каратисти

Зелен појас – 2 каратисти

Од Карате клубот „Ерол “ истакнуваат дека овој успех е резултат на континуирана работа, дисциплина и посветеност на младите спортисти, како и на стручниот ангажман на тренерскиот кадар.

Клубот и понатаму продолжува со интензивни тренинзи и подготовки, со цел развој на младите каратисти и нивно успешно претставување на идни натпревари.