Во време кога единството е најсилната алатка за постигнување големи дела, хуманитарното здружение Дијаспора – Лабуништа се истакнува како вистински лидер и визионер во областа на хуманитарната соработка.

Со искрено срце, голема мудрост и посветеност кон заедничкото добро, ова здружение покрена вредна и мошне пофална иницијатива: обединување на сите хуманитарни здруженија во една структура или под заедничка координација – со цел поголема ефикасност, транспарентност и сила во спроведувањето на хуманитарните мисии.

Целта е јасна: Да не бидеме разделени во добрината, туку обединети во хуманоста!

Важно е да се напомене дека на оваа средба присуствуваа хуманитарни здруженија кои делуваат и локално и меѓународно, но исто така беа присутни Директорот и наставници на ООУ Мурат Лабуништа, Адвокати, Доктори, Архитекти, Директорот на Месна самоуправа и еколошки здруженија, други граѓански организации, како и интелектуалци кои беа искрено подготвени да помогнат со професионални совети и да споделат искуства – што, секако, е повеќе од добредојдено.

Хуманитарното здружение Дијаспора Лабуништа предлага два модели кои ќе овозможат сплотеност, но и флексибилност за сите здруженија – при што секој глас ќе биде слушнат, а одлуките ќе се донесуваат со заемна доверба и договор.

Моделите се поставени како отворена идеја, со намера сите заинтересирани хуманитарни здруженија да дадат свој придонес, мислење и визија – за заедно да изградиме хуманитарна платформа со долгорочно влијание. Да покажеме дека кога сме обединети, правиме чуда. Да се водиме од срцето, а да дејствуваме со разум.

Благодарност до Дијаспора – Лабуништа за оваа визија која нè инспирира и обединува! Сите здруженија се добредојдени! – Време е за заедништво.