Основното училиште „Мурат Ллабушништи“ е добитник на посебна благодарница во рамките на меѓународниот проект „Building New Bridges“, организиран од ОБСЕ. Признанието го врачија Амбасадорката на САД, Ангела Агелер, и Амбасадорот на ОБСЕ, Килиан Вал.

Меѓу многуте училишта учесници во Македонија, „Мурат Ллабушништи“ беше издвоено како едно од најуспешните, со што доби можност да имплементира активности вреднувани и на меѓународно ниво. Како дел од признанието, училиштето беше опремено со нови работни средства за унапредување на наставата и креативните проекти.

Посебна благодарност беше упатена до наставниците по Физика, Географија и Ликовно образование, кои со својата посветеност придонесоа за успехот.

„Овој успех е потврда за трудот и креативноста на учениците и наставниците, но и мотив за понатамошен развој во образованието,“ велат од училиштето.