Во прекрасна рамазанска атмосфера во Сусегана, Италија, беше организиран голем женски ифтар од страна на нашите иселенички од Струга и струшко, Дебар и дебарско, Кичево и кичевско, Охрид и охридско и Гостивар и гостиварско.

На настанот присуствуваа повеќе од 300 жени – баби, мајки, сопруги, сестри и внуки – обединети во духот на верата, традицијата и заедништвото. Меѓу присутните беше и Фросина Ременски, генерален конзул на Република Македонија во Венеција, заедно со други претставници и гости кои имаа можност да ја почувствуваат топлината и организацијата на нашите жени од дијаспората.

Посебна гордост е што нашите сестри од Лабуништа беа дел од оваа прекрасна иницијатива, покажувајќи гостопримство, слога и силна поврзаност со традицијата и верата.

Сите присутни изразија желба овој настан да стане традиционален женски ифтар, кој ќе се организира секоја година, како симбол на заедништво, почит и љубов меѓу нашите луѓе во дијаспората.