Добивме многу убави и корисни предлози, а особено ни е драго што голем дел од тие идеи денес веќе се реализирани. Некои проекти се во тек, а за дел очекуваме реализација во блиска иднина.

Меѓу предлозите беа:

Асфалтирање на споредна улица во Горна Краста, околу 200 метри – предлог од Каплан Кормакоски

Пуштање во употреба на новиот резервоар за вода

Ново и подобро улично осветлување

Асфалтирање на улицата од местото викано Златарец до маалото Пилчаровци – предлог од Веис Алиоски

Асфалтирање на споредна улица во Костење – предлог од Назим Демироски

Поставување канти за отпад

Детска градинка – предлог од Арбен Латифоски

Ова е доказ дека добрата идеја може да биде почеток на нешто корисно за целото село.

Затоа повторно сакаме да го слушнеме вашето мислење.

Што недостасува во Лабуништа? Што би можело да се уреди, поправи или изгради? Кој мал или голем проект би го направил секојдневието подобро?

Нема неважни идеи. Понекогаш токму еден едноставен предлог може да прерасне во проект од кој ќе има корист целото Лабуништа.

Пишете ги вашите идеи во коментар. Да собереме што повеќе добри предлози и заедно да придонесеме Лабуништа да биде уште поубаво и подобро место за живеење.