Во тек се подготовките за поставување на последната плоча, со што успешно се заокружува еден од најважните градежни сегменти на овој благороден проект. По завршувањето на грубата градба, ќе следуваат фините градежни работи, внатрешното уредување на џамијата, како и изградбата на минарето, кое ќе биде препознатлив белег на овој верски и духовен објект.

Изградбата на џамија е едно од највредните дела кај Аллах. Аллаховиот Пратеник ﷺ рекол:

„Кој ќе изгради џамија заради Аллах, Аллах ќе му изгради куќа во Џеннетот.“

Овој голем проект не би бил можен без несебичната поддршка, трудот, донациите и пожртвуваноста на многу браќа и сестри од Лабуништа, дијаспората и сите добронамерници кои дадоа придонес со своето време, знаење, работа и имот.

Упатуваме искрена благодарност до сите кои на кој било начин учествуваа во изградбата на оваа Аллахова куќа. Го молиме Возвишениот Аллах да ги награди со најдобра награда, да внесе берекет во нивните семејства и имоти, да им подари здравје, среќа и успех на овој и на идниот свет.

Нека оваа џамија биде место на ибадет, знаење, единство, братство и духовно издигнување за сегашните и идните генерации.

🤲 Аллахумме текеббел минна ве минкум.