Во Долна Џамија во Лабуништа, во недела, 26 јули 2026 година, ќе се одржи исламско предавање од страна на М-р. Ирфан Клица, познат исламски предавач, психолог и автор од Црна Гора.

Предавањето ќе започне по икиндија намаз, а присутните ќе имаат можност да ги слушнат неговите поуки и размислувања за верата, духовниот развој, семејните вредности и предизвиците со кои се соочува современиот човек.

Во рамки на настанот ќе биде одржана и промоција на книгата „Емоционален компас“, најновото дело на М-р. Ирфан Клица.

„Емоционален компас“ е книга која ги обработува човековите емоции низ призмата на современата психологија и исламските учења. Авторот нуди практични насоки за подобро разбирање и управување со емоциите, справување со стравот, анксиозноста, тагата и стресот, како и за градење внатрешен мир, емоционална стабилност и поквалитетни меѓучовечки односи.

Книгата е наменета за секој што сака да работи на својот духовен и личен развој, комбинирајќи научен пристап со исламските вредности.

Настанот претставува можност за верниците и сите заинтересирани да присуствуваат на корисно предавање, како и да се запознаат со содржината на книгата и нејзината порака за важноста на емоционалното и духовното здравје.