Голема чест и радост е што Лабуништа имаше свој претставник на Меѓународниот натпревар во учење на Кур’ан, кој се одржа во Скопје.

Нашата хафиза Елхана Максутоска учествуваше во првата категорија – учење на целиот Кур’ан, претставувајќи ги достоинствено нашето место, нашите џамии и традицијата на љубов кон Аллаховата Книга. Ова е плод на искрен труд, посветеност и истрајност, но и поттик за сите млади да го следат патот на Кур’анот, неговото учење, разбирање и живеење.

Го молиме Аллах, Возвишениот, да ѝ подари успех, цврстина и бериќет во знаењето, да ја награди со најубава награда за нејзиниот труд и да ја направи причина преку нејзиниот пример и залагање од Лабуништа и пошироко да излезат уште многу хафизи на Кур’ан, кои ќе бидат светлина за своите семејства, заедницата и умметот.

„Најдобрите меѓу вас се оние кои го учат Кур’анот и ги поучуваат другите на него.“ (Бухари)

Нека Аллах го благослови секој чекор направен на патот на Кур’анот и нека ја направи Лабуништа место од кое ќе никнуваат генерации чувари на Неговата Книга.