Во Спортската сала во Лабуништа, во петок, на 26 декември 2025 година, со почеток од 18:00 часот, ќе се одржи карате испит – полагање за појаси, на кој ќе учествуваат каратисти од различни возрасни категории од карате клуб Ерол.

Настанот претставува важен чекор во развојот на младите спортисти, кои преку дисциплина, посветеност и континуирана работа ќе го покажат своето знаење и напредок во карате вештината.

Испитот ќе го оценува стручна комисија составена од реномирани имиња во карате спортот:

Шефи Речи, претседател на комисијата, селектор за деца и инструктор во Карате клуб „Арена“,

Греса Мустафаи, повеќекратна државна шампионка на Република Македонија,

Мухамед Шаиноски, истакнат спортски работник.

Организаторите упатуваат отворена покана до сите љубители на спортот, родителите и граѓаните да присуствуваат и да им дадат поддршка на каратистите во овој значаен момент од нивниот спортски пат.

Со вакви настани, Лабуништа уште еднаш ја потврдува својата посветеност кон развојот на спортот и младите таленти.

Спортски поздрав,

ОСС 🥋