Четврток 19.11.2026
Приклучете се на нашата заедница
ТОП
04:51
Имсак
05:53
Сабах
06:28
Изгрејсонце
11:31
Пладне
13:59
Икиндија
16:23
Акшам
17:52
Јација
Контактирајте со Месната заедница на Лабуништа
Прегледи: 1.645.949

Јакуб Казимоски: ШТО МОЖЕ ЧОВЕКОТ САМИОТ ДА СИ ЈА ЗГРЕШИ

Лабунишки Мудрости Вторник 27.10.2026


Од циклусот „Мудрости на старите лабуништани“

Старите лабуништани живееја во големи семејни заедници. Под еден покрив се собираа повеќе поколенија, се делеше лебот и заеднички се носеа грижите на куќата.

Секоја фамилија си имаше свој старешина. Неговиот авторитет се потпираше врз годините, искуството и одговорноста што ја носеше за домашните. Тој се грижеше за работите на куќата: што треба да се сработи, што не смее да се одложи и кому каква обврска да му се довери. При распределбата на работата, неговиот збор обично беше последен.

Се знаеше кој ќе оди на нива, кој ќе се погрижи за добитокот, кој ќе оди на мајсторска, а кој ќе остане да помогне дома. Секој имаше свој дел во заедничкиот живот, зашто несработеното од едниот стануваше дополнителен товар за другиот.

Но, и во тие куќи имало различни нарави. Некој ќе послушал и ќе ја завршел работата, а друг ќе терал по свое, уверен дека знае подобро.

Имало и такви што важните животни одлуки ги носеле на своја рака, без да се посоветуваат со постарите и поискусните и без да ја побараат нивната согласност. Некој ќе се зафател со одредена општествена дејност, друг ќе влезел во работа чии обврски и последици не ги познавал доволно, а трет ќе заминел далеку од родниот крај, понесен од надежта дека таму го чека подобар живот.

Желбата да се обиде нешто ново била разбирлива. Но, понекогаш во занесот се потценувале тешкотиите, а предупредувањата на поискусните се примале како непотребно мешање.

Се случувало таквите одлуки скапо да ги чинат оние што ги донеле. Дури кога ќе се соочеле со последиците, ќе се присетеле на зборовите што порано не сакале да ги слушнат.

Вакви непромислени чекори се повторувале низ сите поколенија. Во секое време имало луѓе кои, понесени од својата желба или од увереноста дека сами најдобро знаат, преземале нешто без доволно да размислат, а потоа тешко ги поднесувале последиците.

Додека службував како имам во Лабуништа, често имав можност од постарите џематлии да слушнам едноставни реченици во кои беше собрана особена народна мудрост. Со малку зборови знаеја да опишат состојба што секој од нас можеше да ја препознае.

Кога ќе станеше збор за некој што со сопствена непромисленост си ја усложнил работата, знаеја да речат: „Што може човекот самиот да си ја згреши работата, никој друг не може.“

А некогаш истата мисла ја искажуваа и со други зборови: „Што може човек самиот себе да си натовари проблеми, никој друг не може да му натовари.“

Во тие зборови немаше само прекор. Имаше и опомена човек да застане пред да направи чекор што подоцна може скапо да го чини. Да размисли и да го сослуша советот на оној што поминал повеќе во животот и искрено му посакува добро.

И денес, иако времињата и околностите се поинакви, човекот понекогаш избрзува, ја слуша само својата желба и ги потценува последиците. А кога работата ќе тргне наопаку, лесно ја бара причината во другите.

Се разбира, не секоја неволја доаѓа од наша грешка. Но, за она што зависи од нас, добро е навреме да се посоветуваме и да размислиме. А ако веќе сме погрешиле, да имаме сила да си го признаеме тоа и да се обидеме да го поправиме.

Зашто понекогаш е полесно да се послуша еден добронамерен совет, отколку подоцна да се носи товарот на една непромислена одлука.

Јакуб Казимоски — “Мудрости на старите лабуништани”

Прегледи: 899
ЗБОР НА ДЕНОТ

Медиуми

Што значи „дезинформација“?

Неточна или измамлива информација што се шири намерно за да заблуди.

На пример

Некој измислува изјава на јавна личност и ја објавува како вистинска за да влијае врз читателите.

CC BY-SA 4.0

Секој ден ново прашање

Провери дали знаеш да возиш

Едно прашање. Една шанса. Колку добро ги знаеш правилата?

Како одговорија другите?
Точно
00%
Неточно
00%

Биди првиот што ќе одговори денес.

0 учесници во квизот денес

Според ситуацијата прикажана на сликатa:

Секој ден ново прашање

Избери ги сите точни одговори.

ЗБОР НА ДЕНОТ

Медиуми

Што значи „дезинформација“?

Неточна или измамлива информација што се шири намерно за да заблуди.

На пример

Некој измислува изјава на јавна личност и ја објавува како вистинска за да влијае врз читателите.

CC BY-SA 4.0

Секој ден ново прашање

Провери дали знаеш да возиш

Едно прашање. Една шанса. Колку добро ги знаеш правилата?

Како одговорија другите?
Точно
00%
Неточно
00%

Биди првиот што ќе одговори денес.

0 учесници во квизот денес

Според ситуацијата прикажана на сликатa:

Секој ден ново прашање

Избери ги сите точни одговори.

Биди умен

Во џума не излегви со кола.

#сподели
Најчитани вести
Неверојатната Приказна на Мухаммед Хусрев од Лабуништа: Живот Полн со Борба и Наследство
Неверојатната Приказна на Мухаммед Хусрев од Лабуништа: Живот Полн со Борба и Наследство
Недела 26.01.2025

Мухамед Хусрев (Ајдинлар) е роден во селото Лабуништа, во близина на Струга, ден...

Пресели Д-р Минур Мемишоски – Почитуван Стоматолог
Пресели Д-р Минур Мемишоски – Почитуван Стоматолог
Сабота 15.02.2025

Со длабока тага ја објавуваме веста за преселувањето на д-р Минур Мемишоски, поч...

Се продава куќа со двор во Лабуништа – 540 м² куќа + 1500 м² двор
Се продава куќа со двор во Лабуништа – 540 м² куќа + 1500 м² двор
Среда 03.09.2025

Се продава куќа во Лабуништа, место Краста, со имотен лист! Површина на куќа 540...

Пронајден камен со природни арапски написи „Аллах“ и „Мухаммед“ во Лабуништа
Пронајден камен со природни арапски написи „Аллах“ и „Мухаммед“ во Лабуништа
Сабота 30.08.2025

При излет во пределот на Лабунишките бачила, мештанецот Ерсан Зенделоски наиде н...

Масовен јавен собир во Лабуништа: Граѓаните бараат решенија за проблемите со обложувалниците и гејминг клубовите
Масовен јавен собир во Лабуништа: Граѓаните бараат решенија за проблемите со обложувалниците и гејминг клубовите
Петок 24.04.2026

Главна тема на состанокот беа два сериозни проблеми кои, според присутните, нега...

Ејлем Бекироска од Лабуништа освои бронзен медал на меѓународниот натпревар INFOMATRIX ASIA 2026 во Астана
Ејлем Бекироска од Лабуништа освои бронзен медал на меѓународниот натпревар INFOMATRIX ASIA 2026 во Астана
Петок 27.03.2026

Голем успех за Лабуништа и за младите таленти од нашиот крај. Ејлем Бекироска, у...

Познато новото раководство на Лабуништа – еве кој ќе ја води месната заедница!
Познато новото раководство на Лабуништа – еве кој ќе ја води месната заедница!
Сабота 10.01.2026

Координативното тело составено од членовите Сафет Демиралиески советник на градо...

Селото му посакува среќно пензионирање на Сафет Демиралеиски – човекот што ја пресметуваше не само математиката, туку и добрината
Селото му посакува среќно пензионирање на Сафет Демиралеиски – човекот што ја пресметуваше не само математиката, туку и добрината
Петок 31.10.2025

По многу години посветена работа, нашиот драг сограѓанин Сафет Демиралеиски зами...

Првите Лабуништани на Хаџ: Патување со трагичен крај
Првите Лабуништани на Хаџ: Патување со трагичен крај
Недела 09.02.2025

Првите жители на селото Лабуништа кои имале можност да го обават светиот муслима...

Честитка до д-р Ферид Салкоски од жителите на Лабуништа по повод стекнувањето на титулата субспецијалист по педијатриска пулмологија
Честитка до д-р Ферид Салкоски од жителите на Лабуништа по повод стекнувањето на титулата субспецијалист по педијатриска пулмологија
Петок 25.04.2025

Со особена чест и гордост, жителите на Лабуништа му упатуваат најискрени честитк...