Денес, претставници на Месната заедница од Лабуништа, предводени од претседателот Тасим Тафилоски, заедно со претставници од Општина Струга, предводени од архитектот Ресул Хани и преставникот од Лабуништа во општината Сафет Демиралиески , извршија увид на терен на локациите каде што е предвидена реализација на најавените инфраструктурни проекти во Лабуништа.

Увидот беше направен кај патот кој води кон населбата Краста, каде што е планирана изградба на потпорен ѕид, со цел зголемување на безбедноста и стабилноста на патната инфраструктура.

Исто така, беше извршен увид и на улицата Пичларовци–Умиште, каде што е предвидено тампонирање и бетонирање, односно асфалтирање на патот, со што значително ќе се подобрат условите за сообраќај и движење на жителите.

Од надлежните беше истакнато дека во најскоро време се очекува започнување на градежните работи на овие локации, со што ќе се даде нов импулс на локалниот развој и унапредување на инфраструктурата во Лабуништа.