Вечерва Лабуништа беше домаќин на висока делегација од Република Србија, предводена од министерот во Владата на Србија и претседател на Партијата за правда и помирување, Усаме Зукорлиќ. Во состав на делегацијата беа и Мунир Колашинац, претседател на Бошњачката демократска партија, како и проф. Џеват Хот, претседател на Националниот бошњачки совет.

Гостите реализираа обиколка низ Лабуништа, при што остварија средби со голем број граѓани, разговарајќи за актуелни теми и прашања од интерес на заедницата.

По акшам намаз, Усаме Зукорлиќ одржа трибина во просториите на Месната заедница, на која упати повеќе братски и обединувачки пораки до присутните, нагласувајќи ја важноста на меѓусебната почит, соработката и заедничкиот напредок.

Настанот помина во пријатна, братска и достоинствена атмосфера, оставајќи силен впечаток кај присутните граѓани.