Верски трибини со истакнати исламски професори во Лабуништа, Октиси и Струга – покана за сите граѓани

Во пресрет на духовно исполнето лето, љубителите на исламското знаење и заедништво ќе имаат можност да присуствуваат на две значајни верски трибини со реномирани предавачи од регионот.

На 24 јули , веднаш по акшам-намаз, во спортската сала во Лабуништа ќе се одржи трибина на која ќе говори проф. хафиз Амар Башиќ, еден од најпознатите исламски теолози и професори во Босна и Херцеговина. Настанот е во организација на Дијаспора ЦХ Лабуништа и е отворен за мажи и жени. Влезот е бесплатен. Очекувањата се за масовна посетеност и инспиративна вечер исполнета со духовни пораки и корисни совети за секојдневниот живот на муслиманот.

На 8 август , во Октиси ќе гостува респектираниот исламски предавач и доктор на исламски науки – д-р Елведин Пезиќ. Тој ќе одржи худба за време на џума-намаз, а истата вечер, со почеток во 21:00 часот, ќе говори на трибина во спортската сала Тими во Струга. Трибината е организирана од Фондацијата Зеќат од Октиси и е отворена за мажи и жени, со бесплатен влез. Д-р Пезиќ е познат по своето едноставно, но длабоко и современо толкување на исламот, а неговите предавања редовно привлекуваат илјадници слушатели.

Овие настани претставуваат одлична можност за духовно обновување, зближување со заедницата и продлабочување на верското знаење. Сите добронамерници се поканети да присуствуваат.