На акумулацијата Глобочица денес се одржа традиционалната риболовна дружба во организација на Риболовното друштво „Карп Фиш Лабуништа“, на која учество зедоа 13 екипи од локално ниво. Настанот помина во позитивна и спортска атмосфера, а посебно беше забележливо присуството на млади риболовци, кои, според организаторите, ја претставуваат иднината на овој спорт.

По повеќечасовно натпреварување, најуспешни беа следните екипи:

🥇 Рамбо Стајл – прво место

🥈 Уни Метал – второ место

🥉 Кристал – трето место

Организаторите упатија голема благодарност до спонзорите, кои помогнаа во реализацијата на настанот:

Уни Метал Лабуништа

Риболовна опрема РИКИ – Струга

Влатко Максимов – Свети Николе

„Им благодариме на сите учесници кои со спортски дух и дружење придонесоа да се одржи оваа убава традиција. Посакуваме уште многу вакви настани кои ќе го промовираат спортскиот риболов и младите во нашиот регион,“ велат од „Карп Фиш Лабуништа“.

Настанот заврши со заедничко дружење и симболично доделување на наградите за најуспешните екипи.