Денеска во центарот на Лабуништа, со многу радост, братска љубов и весели срца, по шести пат по ред се подготви традиционалната Лабунишка–бачилска алва. Овој убав обичај повторно ги собра мештаните на едно место, создавајќи атмосфера исполнета со заедништво, почит и искрена радост.

За оваа прилика беа подготвени вкупно пет големи казани со алва, кои внимателно се подготвуваа од вредните раце на луѓето што со љубов ја негуваат оваа традиција. Мирисот на алвата се ширеше низ центарот на селото, а насмевките и доброто расположение на присутните го направија денот уште поубав.

Алвата беше целосно подготвена до времето на икиндија намаз, по што веднаш беше поделена на присутните, споделувајќи ја радоста и топлината меѓу сите.

Овој настан уште еднаш покажа дека кога луѓето се собираат со чисти намери, братска љубов и отворени срца, традицијата станува мост што ги поврзува генерациите.

Аллах нека ги награди сите донатори и учесници кои придонесоа за реализацијата на оваа убава традиција и нека им го прими нивното добро дело.