Во духот на добрината, единството и љубовта кон родното место, дијаспората од Лабуништа повторно ја покажува својата голема човечност. На 28 декември 2025 година, со почеток во 19:30 часот, ќе се одржи Куранска вечер во Лабуништа, организирана од Хуманитарното друштво Дијаспора Лабуништa CH/EU во соработка со Х.Д. Младина – Нова Горица.

Оваа свечена и духовна манифестација има за цел да ги обедини Лабуништани од цел свет и да поттикне благородна хуманитарна акција – донирање средства за доградбата на џамијата „Мехмет Али Пашина“ Горна Џамија – Лабуништа.

Како што рекол Пратеникот Мухаммед а.с.: „Кој ќе изгради џамија во името на Аллах, голема или мала, Аллах ќе му изгради дворец во Џеннет.“ – зборови кои силно одѕвонуваат во срцата на верниците и сите добри луѓе.

На настанот ќе присуствуваат реномирани гости и хафизи:

Проф. Изет еф. Чамџиќ

Хфз Егзон Ибраими

Хфз Џемаил Нухиу

Хфз Маџид Аганходџиќ

Хаџи Ади Муртиши

Кадир еф. Далипоски

Настанот ќе го модерира Нагим еф. Мустафоски, а влезот е слободен за мажи и жени.

Оваа вечер не е само духовен собир – тоа е момент кога срцата се отвораат, кога носталгијата се претвора во сила, а љубовта кон родната земја станува конкретно дело. Лабуништани повторно покажуваат дека и илјадници километри далеку, душата останува врзана за своето село, својата традиција и својата вера.

Сите добронамерници се поканети да бидат дел од ова хаирли дело и да придонесат кон изградбата на Аллаховата куќа – место што ќе остане аманет за идните генерации.

Обединети во вера, љубов и хуманост – за посилно Лабуништа.