Во организација на Муфтиството на ИВЗ – Струга, а во соработка со Долната Џамија во Лабуништа, по јација-намаз се одржа исламската трибина на тема „Да се подготвиме за Рамазан“. Настанот се одвиваше во присуство на голем број џематлии кои ја исполнија џамијата и со внимание ја проследија целокупната програма.

Модератор на трибината беше Х. Медин еф. Сулоски, кој ја отвори и ја водеше програмата. Трибината започна со учење од Кур’ан од Х. Кадир еф. Далипоски, по што следуваше поздравен говор на муфтијата на Струга, Х. Ади еф. Муртиши.

На тема „Особините на Рамазан“ говореше Х. Истреф еф. Јускоски, додека илахија изведе медресантот Нихад Јускоски. Свое обраќање имаше и специјализираниот анестезиолог Др. Сејат Ќазимоски, кој зборуваше за здравствените аспекти и придобивките од постот во месецот Рамазан.

Потоа следеше учење од Кур’ан од медресантот Абдулкадир Нуредини, а со предавање на тема „Тајната на Рамазан“ се обрати Х. Ариф еф. Рамадани. Трибината беше заокружена со повторно учење од Кур’ан од медресантот Нихад Јускоски.

Настанот помина во духовна и свечена атмосфера и претставуваше убава подготовка за претстојниот благословен месец Рамазан.