Во Лабуништа ќе се одржи трибина на актуелна и значајна тема: „Религија, народ и идентитет – дали можеме сето тоа да го чуваме?“

Трибината ќе се одржи во недела на 27 септември 2026 година во 19:00ч (после акшам) во просториите на Месната заедница Лабуништа (поранешно „Икре“).

Гости на трибината ќе бидат двајца доктори од Босна и Херцеговина – д-р Адем Залихиќ и д-р Јусуф Мехиќ, кои ќе бидат придружувани од почитуваниот професор Џевад еф. Хот од Скопје.

Во рамки на настанот ќе биде промовирана и книгата „Босна и Бошњаци од Антика до Османлии“, авторско дело на д-р Адем Залихиќ.

Д-р Адем Залихиќ е роден на 13 март 1971 година во Мостар, каде што го завршил основното и средното медицинско образование.

Медицинскиот факултет во Сараево го завршил во мај 2005 година.

По положувањето на специјалистичкиот испит, во јануари 2013 година се стекнал со звање специјалист по ургентна медицина. Во февруари 2014 година го стекнал и магистерскиот степен на Медицинскиот факултет при Универзитетот во Сараево.

Трибината ќе биде можност за отворен разговор и размена на мислења за прашањата поврзани со религијата, народот, идентитетот, културното наследство и зачувувањето на вредностите.

Организаторите ги покануваат жителите на Лабуништа и околината да присуствуваат на настанот и да бидат дел од оваа дискусија.