Во Основното општинско училиште „Мурат Лабуништа“ се одржа Бајрамски базар, организиран од страна на учениците, наставниците и родителите. Настанот се одвиваше во празнична и топла атмосфера, со цел заедничко одбележување на еден од најзначајните празници за верниците муслимани – Курбан Бајрам.

На базарот беа изложени традиционални јадења, рачно изработени честитки, украси и уметнички дела, создадени со многу љубов, труд и креативност. Целиот настан беше израз на културна разноликост и заедничка заложба за негување на традиционалните вредности.

„Добредојдовте на нашиот Бајрамски базар! Нашите ученици работеа напорно за да организираат посебен настан со вкусна храна и креативни дела. Заедно со учениците учествуваа и наставниците и родителите за да го прославиме овој посебен момент заедно и да ја доживееме убавината на нашата заедничка култура,“ истакнаа организаторите од училиштето.

Настанот беше поздравен од страна на бројни посетители – ученици, родители, наставници и жители на Лабуништа, кои го поддржаа со своето присуство и придонесоа кон неговата успешна реализација. Бајрамскиот базар уште еднаш потврди дека училиштето е не само образовна институција, туку и важен културен и општествен центар во заедницата.