Четврток 19.11.2026
Приклучете се на нашата заедница
ТОП
04:51
Имсак
05:53
Сабах
06:28
Изгрејсонце
11:31
Пладне
13:59
Икиндија
16:23
Акшам
17:52
Јација
Контактирајте со Месната заедница на Лабуништа
Прегледи: 1.645.949

ДАЈ МУ ВЛАСТ, ПА ЌЕ ВИДИШ КАКОВ ЧОВЕК Е

Лабунишки Мудрости Вторник 03.11.2026


✍️ Јакуб Казимоски

Од циклусот „Мудрости на старите лабуништани“

Политиката би требало да биде чесен натпревар на идеи, програми и луѓе што можат да придонесат за доброто на заедницата. Различните мислења би требало да помогнат да се најдат подобри решенија за заедничките потреби.

Но, за жал, често се претвора во поделба на луѓето на два спротивставени табора. Тогаш, наместо прашањето: „Што можеме да направиме за сите?“, во преден план излегува друго: „Што ќе добиеме ние ако победат нашите?“ А заедничкото добро, во чие име се барала довербата, останува да чека.

Ваквите поделби, според кажувањата на постарите лабуништани, не се од вчера. За време на моето службување како имам во Долната џамија во Лабуништа, имав можност да разговарам со луѓе што паметеа поинакви времиња, но раскажуваа за мошне слични односи меѓу луѓето.

Според нивните сеќавања, уште во времето на Кралска Југославија, на изборите се гласало за две спротивставени политички групи. Се менувале имињата, околностите и носителите на власта, а поделбата на „наши“ и „ваши“ се пренесувала и во секојдневниот живот.

Се разбира, не сите дозволувале политиката да им ги одредува односите со луѓето. Имало и такви што мирно ја исполнувале својата граѓанска должност: гласале за оној за кого сметале дека ја заслужува нивната поддршка, без да очекуваат лична корист од неговата победа.

Тие си имале своја работа, семејни грижи и животни приоритети. Победата на нивниот избраник не ја доживувале како сопствена заслуга, ниту поразот како лична загуба. По изборите продолжувале да живеат и да работат со истите луѓе, без оглед кој за кого гласал.

Знаеле дека угледот се стекнува со чесна работа, со исполнет збор и со коректен однос кон луѓето. Секој во својот занает и во својата професија имал можност да покаже колку вреди и да изгради име за почит во заедницата.

Но, кога станувало збор за оние што добивале власт, знаеле да ја кажат и оваа кратка, а длабока мисла:

„Дај му власт, па ќе видиш каков човек е.“

Во тие неколку збора е собрано животно искуство што не ја изгубило својата важност ни денес.

Колкумина сме ги сметале за блиски луѓе, за пријатели со кои сме пиеле кафе и сме воделе обични, секојдневни разговори. Биле пристапни, умееле да сослушаат и да се пошегуваат. Но, штом дошле до некоја одговорна функција, почнале да се однесуваат така што сме се прашувале дали се тоа истите луѓе.

Поздравот станал студен, разговорот краток, а средбата со нив сè потешка. За едни се наоѓало време, за други секогаш имало некаква пречка. Особено за оние од кои веќе не очекувале никаква корист.

Тогаш обично велиме: „Го смени власта.“

А старата мудрост нè наведува да размислиме подлабоко: можеби дотогаш не сме имале можност да видиме како тој човек се однесува кога другите зависат од него. Додека бил еден меѓу нас, сме го познавале како соговорник и сосед. Кога добил моќ да помогне, да одбие или да одлучи за нечие право, сме запознале и дел од неговиот карактер што претходно не сме го виделе.

Кај некого тогаш ќе се покажат праведноста и чувството за одговорност. Кај друг — суетата, користољубието и потребата да биде над другите.

Поука за денес

Кога избираме кому ќе му дадеме доверба, да гледаме како постапува со луѓето, особено со оние од кои нема корист. А ако нам ни биде доверена некаква власт, да се сетиме дека секој човек пред нас има свое достоинство и свое право — без оглед за кого гласал.

Зашто, функцијата има рок. Постапките остануваат во сеќавањето на луѓето.

Ј.К. — “Мудрости на старите лабуништани”

Прегледи: 541
ЗБОР НА ДЕНОТ

Медиуми

Што значи „дезинформација“?

Неточна или измамлива информација што се шири намерно за да заблуди.

На пример

Некој измислува изјава на јавна личност и ја објавува како вистинска за да влијае врз читателите.

CC BY-SA 4.0

Секој ден ново прашање

Провери дали знаеш да возиш

Едно прашање. Една шанса. Колку добро ги знаеш правилата?

Како одговорија другите?
Точно
00%
Неточно
00%

Биди првиот што ќе одговори денес.

0 учесници во квизот денес

Според ситуацијата прикажана на сликатa:

Секој ден ново прашање

Избери ги сите точни одговори.

ЗБОР НА ДЕНОТ

Медиуми

Што значи „дезинформација“?

Неточна или измамлива информација што се шири намерно за да заблуди.

На пример

Некој измислува изјава на јавна личност и ја објавува како вистинска за да влијае врз читателите.

CC BY-SA 4.0

Секој ден ново прашање

Провери дали знаеш да возиш

Едно прашање. Една шанса. Колку добро ги знаеш правилата?

Како одговорија другите?
Точно
00%
Неточно
00%

Биди првиот што ќе одговори денес.

0 учесници во квизот денес

Според ситуацијата прикажана на сликатa:

Секој ден ново прашање

Избери ги сите точни одговори.

Биди умен

Во џума не излегви со кола.

#сподели
Најчитани вести
Неверојатната Приказна на Мухаммед Хусрев од Лабуништа: Живот Полн со Борба и Наследство
Неверојатната Приказна на Мухаммед Хусрев од Лабуништа: Живот Полн со Борба и Наследство
Недела 26.01.2025

Мухамед Хусрев (Ајдинлар) е роден во селото Лабуништа, во близина на Струга, ден...

Пресели Д-р Минур Мемишоски – Почитуван Стоматолог
Пресели Д-р Минур Мемишоски – Почитуван Стоматолог
Сабота 15.02.2025

Со длабока тага ја објавуваме веста за преселувањето на д-р Минур Мемишоски, поч...

Се продава куќа со двор во Лабуништа – 540 м² куќа + 1500 м² двор
Се продава куќа со двор во Лабуништа – 540 м² куќа + 1500 м² двор
Среда 03.09.2025

Се продава куќа во Лабуништа, место Краста, со имотен лист! Површина на куќа 540...

Пронајден камен со природни арапски написи „Аллах“ и „Мухаммед“ во Лабуништа
Пронајден камен со природни арапски написи „Аллах“ и „Мухаммед“ во Лабуништа
Сабота 30.08.2025

При излет во пределот на Лабунишките бачила, мештанецот Ерсан Зенделоски наиде н...

Масовен јавен собир во Лабуништа: Граѓаните бараат решенија за проблемите со обложувалниците и гејминг клубовите
Масовен јавен собир во Лабуништа: Граѓаните бараат решенија за проблемите со обложувалниците и гејминг клубовите
Петок 24.04.2026

Главна тема на состанокот беа два сериозни проблеми кои, според присутните, нега...

Ејлем Бекироска од Лабуништа освои бронзен медал на меѓународниот натпревар INFOMATRIX ASIA 2026 во Астана
Ејлем Бекироска од Лабуништа освои бронзен медал на меѓународниот натпревар INFOMATRIX ASIA 2026 во Астана
Петок 27.03.2026

Голем успех за Лабуништа и за младите таленти од нашиот крај. Ејлем Бекироска, у...

Познато новото раководство на Лабуништа – еве кој ќе ја води месната заедница!
Познато новото раководство на Лабуништа – еве кој ќе ја води месната заедница!
Сабота 10.01.2026

Координативното тело составено од членовите Сафет Демиралиески советник на градо...

Селото му посакува среќно пензионирање на Сафет Демиралеиски – човекот што ја пресметуваше не само математиката, туку и добрината
Селото му посакува среќно пензионирање на Сафет Демиралеиски – човекот што ја пресметуваше не само математиката, туку и добрината
Петок 31.10.2025

По многу години посветена работа, нашиот драг сограѓанин Сафет Демиралеиски зами...

Првите Лабуништани на Хаџ: Патување со трагичен крај
Првите Лабуништани на Хаџ: Патување со трагичен крај
Недела 09.02.2025

Првите жители на селото Лабуништа кои имале можност да го обават светиот муслима...

Честитка до д-р Ферид Салкоски од жителите на Лабуништа по повод стекнувањето на титулата субспецијалист по педијатриска пулмологија
Честитка до д-р Ферид Салкоски од жителите на Лабуништа по повод стекнувањето на титулата субспецијалист по педијатриска пулмологија
Петок 25.04.2025

Со особена чест и гордост, жителите на Лабуништа му упатуваат најискрени честитк...