Хуманитарното друштво „Дијаспора Лабуништа“ упатува јавен апел до сите хумани луѓе да помогнат во лекувањето на Илјаз Сулејман, кој се соочува со сериозен здравствен проблем – проширени вени во напредна фаза.

Според информациите од организаторите, станува збор за сериозна состојба која бара итна хируршка интервенција. Планираната операција треба да се изврши во Истанбул, а вкупната сума за лекувањето изнесува 24.000 евра. За таа цел се покренува хуманитарна акција со надеж дека со заедничка поддршка ќе се соберат потребните средства.

Од хуманитарното друштво потсетуваат на Куранскиот ајет:

„Оној кој ќе спаси еден човек, како да го спасил целото човештво."

Во месецот Рамазан, кој е време на добрина, солидарност и хуманост, се повикуваат сите кои се во можност да дадат свој придонес. Донациите може да се уплатат на сметката на хуманитарното друштво со назнака „За болест“.

За повеќе информации и координација околу донациите, граѓаните можат да се обратат кај следните контакт лица:

Омер Салкоски (Македонија) – +389 70 329 104

Адем Ќазимоски (Швајцарија) – +41 77 405 95 04

Башким Шајноски (Италија) – +39 348 971 5019

Бешир Максутоски (Австрија) – +43 660 405 0352

Фарук Алиески (Германија) – +49 173 657 7351

Махир Велиоски (Словенија) – +386 51 888 784

Од Одборот на Хуманитарното друштво „Дијаспора Лабуништа“ изразуваат надеж дека хуманоста и солидарноста повторно ќе се покажат на дело и дека заеднички ќе се помогне во спасувањето на еден човечки живот.