Абдурахман Салоски дел од промоцијата на „Инсераја“ на Саемот на книгата

Абдурахман Салоски, како дел од организацијата, промоцијата и учеството на Саемот на книгата, заедно со Амел Куртиши и Фатмир Ковачи, ја реализираа промоцијата на книгата „Инсераја“ од палестинката Тесним Раида, која низ збирка текстови ја пренесува перцепцијата на една млада личност која забрзано созрева под притисокот на војната, а преку своите зборови сведочи за болката, страдањето и надежта на народот во Газа.

Покрај ова значајно дело, на штандот може да се најдат и бројни преводи од исламската и ориенталната литература на македонски јазик, со што овие вредни наслови сè повеќе стануваат неодвоив дел од културното и образовното наследство на нашата држава.

Меѓу понудата се наоѓаат и други интересни изданија, вклучувајќи го и преводот на Куранот, што претставува значаен чекор кон збогатување на духовната и книжевната сцена кај нас.