Labunista dëshmon edhe një herë lidhjen e fortë mes banorëve të saj dhe diasporës. Shoqëria "Diaspora Labunista CH" realizoi një donacion të rëndësishëm për shkollën fillore "Murat Labunista", duke konfirmuar se dashuria për vendlindjen nuk njeh kufij.

Me këtë donacion, shkolla u pajis me një aparat modern kopjimi (printer-skener), që do të jetë shumë i dobishëm për procesin mësimor dhe aktivitetet e përditshme të nxënësve dhe mësuesve. Ky veprim jo vetëm ndihmon për përmirësimin e kushteve të punës, por dërgon edhe një mesazh të fuqishëm për bashkimin dhe solidaritetin.

Edhe pse fizikisht larg, anëtarët e diasporës mbeten thellësisht të lidhur me Labunistën, duke investuar vazhdimisht në të ardhmen e saj. Përkushtimi dhe gatishmëria e tyre për të ndihmuar përfaqësojnë një shembull të vërtetë të përgjegjësisë shoqërore dhe dashurisë për komunitetin.

Nga shkolla "Murat Labunista" shprehin falënderim të sinqertë për këtë donacion të vlefshëm, duke theksuar se iniciativa të tilla janë me rëndësi të madhe për zhvillimin e arsimit dhe përmirësimin e kushteve për nxënësit.

Labunista është krenare për diasporën e saj – njerëz që, pavarësisht largësisë, kurrë nuk harrojnë atdheun e tyre.