Mëngjesin tjetër, më 1 shtator 2026, fillon viti i ri shkollor 2026/2027, dhe për 80 fëmijë nga Labunishta do të jetë dita e parë në bankat e shkollës.

Labunishta edhe këtë vit mbetet rekorder për numrin e nxënësve fillorë midis zonave rurale në vend. Në total, 80 nxënës fillorë nga Labunishta nga nesër do të fillojnë rrugëtimin e tyre edukativ në SHFK "Murat Labunishti".

Megjithëse vit pas viti është vënë re ulje e numrit të nxënësve, kryesisht si pasojë e migrimit të familjeve drejt vendeve të Evropës Perëndimore, Labunishta vazhdon të dallojë me një numër të konsiderueshëm fëmijësh që fillojnë klasën e parë.

Gjenerata që këtë vit duhet të fillojë arsimin bazë numëron rreth 180 fëmijë. Nga ta, 80 do të fillojnë edukimin në vendlindjen e tyre Labunishta, ndërsa rreth 100 fëmijë do të fillojnë procesin edukativ në vendet e Evropës Perëndimore, ku familjet e tyre janë zhvendosur.

Këto shifra përsëri tregojnë madhësinë e Labunishtë, por gjithashtu edhe sfidën që ka kjo zonë – emigrimi i familjeve të reja dhe fëmijëve të tyre.

Për më të vegjlit nesër fillon një kapitull i ri dhe i rëndësishëm i mbushur me njohuri të reja, miqësi dhe momente të paharrueshme shkollore.

Të gjithë nxënësve, veçanërisht më të vegjëlve tanë filloristë, u dëshirojmë një fillim të lumtur, shumë sukses, njohuri dhe momente të bukura gjatë vitit shkollor! Suksese filloristë! 🎒📚