Mesfushori përfaqësues maqedonas do ta vazhdojë karrierën te klubi i Ligës së Parë kineze, Dalian Yingbo.

Alimi, i cili më 2 shkurt mbush 31 vjeç, po e lë klubin rumun, Sepsi, ku luajti që nga vera e vitit 2023. Atje tërhoqi vëmendjen e selektorit maqedonas Blagoja Milevski, debutoi për Maqedoninë dhe filloi të jetë pjesë e rregullt – falë paraqitjeve të tij të mira.

Dalian Yingbo do t’i paguajë Sepsit 400,000 euro për shërbimet e tij. Alimi këtë sezon luajti 17 ndeshje në Superligën rumune, shënoi 4 gola dhe dy herë asistoi.

Për Maqedoninë, Alimi deri tani ka luajtur 13 ndeshje, debutin e tij e pati në shtator 2023 kundër Italisë në Shkup dhe ka shënuar 2 gola.

Ekipi i tij i ri, Dalian Yingbo, në sezonin e kaluar përfundoi në vendin e dytë në Ligën e Dytë kineze dhe u ngjit në Ligën e Parë. Sezoni i ri në ligën kineze fillon më 21 shkurt.

Pavarësisht transferimit të tij në Lindjen e Largët, shpresojmë që Alimi të vazhdojë të jetë pjesë e rregullt e ekipit kombëtar pasi është treguar si një aset i vlefshëm.

Në fakt, Alimi është nga fshati Delogozhda i Strugës, dhe gjatë karrierës së tij ka luajtur ndër të tjera edhe për skuadrat e Serisë A, Atalanta dhe Kiëvo, ndërsa karrierën e nisi te Vllaznimi nga Struga.