Sot në kabinetin e kryetarit të Komunës së Strugës, z. Mendi Qura, u mbajt një takim pune me anëtarë të Komunës Lokale të Labunishtë, të udhëhequr nga kryetari z. Tasim Tafiloski. Në takim ishin të pranishëm edhe drejtori i UJK “Higjena”, z. Irfan Ramizi, koordinator i z. Adem Nuroski, si dhe këshilltari i kryetarit nga Labunishta, z. Safet Demiraleski.

Në takim u prezantuan problemet me të cilat përballen përditë banorët e Labunishtë, me theks në tri pika prioritare:

• Ndërtimi i një muri mbajtës pranë rrugës lokale Krasta në zonën Zendelovci.

• Mbushja me rërë dhe betonimi/asfaltimi i rrugës lokale Pilçarovci – Podgorci, në zonën Umishtë, me gjatësi 600 metra.

• Problemet me furnizimin me energji elektrike në Labunisht.

Komuna e Strugës, nën drejtimin e kryetarit z. Qura, dha një përgjigje pozitive për të tri pikat.

U theksua se brenda një periudhe të shkurtër kohe do të fillojë realizimi i dy projekteve infrastrukturore, ndërsa për problemin me energjinë elektrike u paralajmërua një takim i përbashkët me EVN dhe përfaqësuesit e komunave lokale nga lagjet e prekura. Në atë takim, siç u theksua, do të kërkohet zgjidhje urgjente dhe e qëndrueshme e problemit.

Gjithashtu, Komuna e Strugës informoi Komunën Lokale se projekti për përmirësimin e furnizimit me ujë në Labunisht, si dhe e gjithë dokumentacioni teknik për ndërtimin e stacionit për pastrimin e ujërave, gjenden në fazën përfundimtare.

Pritet që këto projekte të realizohen së shpejti, duke zgjidhur disa nga problemet më të mëdha të banorëve të Labunishtë.

Takimi u vlerësua si konstruktiv, me angazhim të përbashkët për bashkëpunim të vazhdueshëm dhe hapa konkretë për përmirësimin e kushteve të jetesës në Labunisht.