Komuna e Strugës në kuadër të investimeve kapitale për vitet 2025-2026 do të punojë për përmirësimin e ndjeshëm të furnizimit me ujë në fshatin Labunisht. Projekti, i cili është pjesë e ndërhyrjeve më të gjera infrastrukturore me vlerë mbi 10 milionë euro, përfshin:

Marrjen e ujit nga burime të ndryshme, me qëllim rritjen e kapacitetit dhe stabilitetit të furnizimit me ujë. Ndërtimin e tubacioneve të ujësjellësit, të cilat do të lidhin sistemin e ri të furnizimit me ujë me rezervuarin në fshat.

Zgjidhje afatgjatë për problemin me ujë

Banorët e Labunishta për vite me rradhë përballen me sfida në furnizimin me ujë, veçanërisht në muajt e verës kur kërkesa rritet. Me realizimin e këtij projekti, fshati do të ketë furnizim më të qëndrueshëm dhe të sigurt me ujë, që do të kontribuojë në përmirësimin e cilësisë së jetës.

Financimi dhe realizimi

Projekti është pjesërisht financuar nga fondet që Komuna e Strugës ka siguruar përmes thirrjes së Qeverisë së Maqedonisë së Veriut për investime kapitale, si dhe nga buxheti komunal. Parashikohet që aktivitetet ndërtimore të fillojnë gjatë vitit 2025 dhe të përfundojnë në kohën më të shkurtër të mundshme.

• Përfitime për banorët e Labunishta
• Furnizim më i qëndrueshëm dhe i rregullt me ujë
• Cilësi më e mirë e ujit
• Ulje e varësisë nga rrjetet e vjetra të ujësjellësit

Përdorim i qëndrueshëm i burimeve ujore

Ky projekt është pjesë e iniciativës më të gjerë të Komunës së Strugës për modernizimin e infrastrukturës dhe përmirësimin e kushteve të jetesës në vendbanime. Autoritetet lokale mbeten të përkushtuara për sigurimin e shërbimeve cilësore për qytetarët dhe zgjidhjen e problemeve shumëvjeçare në furnizimin me ujë.

https://strugaonline.mk/vesti/lokalni/opshtina-struga-zapochnuva-so-realizacija-na-proekti-vredni-nad-10-milioni-evra