NJOFTIM

Komuna e Strugës, në periudhën që vjen do të nxisë inspektime të koordinuara me të gjitha shërbimet kompetente inspektuese në komunën e Strugës si inspektorë shtetërorë ashtu edhe komunalë, dhe në këtë drejtim drejton një apel publik për të gjithë pronarët e lokaleve dhe objekteve të tjera afariste që ushtrojnë shërbime dhe aktivitetet në fushën e gastronomisë, turizmit, shërbimeve, si dhe aktivitetin e përgatitjes për shërbimin e ushqimit dhe pijeve dhe kafe barëve, se do të fillojë kontroll i përbashkët i zgjeruar i inspektorëve.

Për këtë shkak, njoftohen pronarët e objekteve afariste se janë të detyruar, në vendngjarje të kenë të përgatitura origjinale ose fotokopje të dokumenteve si më poshtë:

1. Leje për ushtrimin e aktivitetit

2. Leje për vendosjen e pajisjeve urbane

3. Elaborat për vendosjen e pajisjeve urbane

4. Gjendja aktuale

5. Fletëpronësie për objektin afarist

6. Elaborat për mbrojtjen e mjedisit jetësor

7. Elaborat për mbrojtjen nga zjarri dhe dëshmi që është zbatuar në vend

8. Letërnjoftim i personit përgjegjës

9. Numër telefoni dhe person kontakti

10. E-mail zyrtar

Këto dokumente duhet të jenë të përgatitura dhe në posedim nga personat që menaxhojnë ose punojnë në lokalin, në mënyrë që t’i paraqesin inspektorëve gjatë ushtrimit të kontrollit. Duhet të jenë në kopje fotokopje për nevojat e procedurës inspektuese. Kontrolli do të zhvillohet në të gjitha lokalet në territorin e komunës Strugë, dhe për të gjitha parregullsitë e konstatuara, inspektorët do të lëshojnë Vendim për heqjen e mangësive të cilat duhet të largohen brenda afatit sipas ligjit, si dhe urdhër pagese për shkelje.

Në rast të parregullsive që janë jashtë kompetencës së inspektorit, do të përgatiten procese-verbale të cilat do t’i dërgohen më tej inspektorit kompetent për procedim.

Komuna e Strugës