Banorët nga lagja Krasta në Labunishta reagojnë për gjendjen e rrugës që, sipas tyre, është formuar dhe asfaltuar vetë nga banorët me mjete dhe punë të veta.

Sipas reagimeve të tyre, gjatë ndërhyrjes së kompanisë EVN, asfaltimi është prerë, por pas përfundimit të punimeve nuk u riparua dhe nuk u kthye në gjendjen fillestare. Në vend të kësaj, gërmimi u mbush me material mbushës.

"Gjatë shiut të parë materiali mbushës u shpërnda mbi asfalt dhe uji filloi të dëmtojë rrugën", reagojnë banorët.

Sot në një pjesë të rrugës vërehen dëmtime të mëdha dhe gropa, ndërsa gurët dhe materiali mbushës janë grumbulluar mbi kalimin rrugor, që e bën më të rrezikshme sigurinë në trafikun rrugor.

Banorët kërkojnë që pjesa e dëmtuar të riparohet dhe rruga të kthehet në gjendjen në të cilën ishte para ndërhyrjes, duke pasur parasysh që bëhet fjalë për një rrugë që sipas tyre është ndërtuar dhe asfaltuar me mjete dhe përpjekje të banorëve vetë.

"Nuk kërkojmë asgjë më shumë se sa që rruga të kthehet në gjendjen në të cilën ishte përpara ndërhyrjes", thonë banorët e Krastës.