Sot mbrëma në Udine, Itali, u mbajt iftari tradicional i përbashkët në organizim të dy xhamive San Giorgio di Nogaro dhe Kevser Monfalcone, organizuar nga vëllezërit tanë Labunishti që jetojnë dhe punojnë në këtë pjesë të Italisë.

Iftari kaloi në një atmosferë të mrekullueshme dhe vëllazërore, plot me shpirtërim, respekt dhe bashkim, siç i takon muajit të bekuar të Ramazanit. Në tryezën e përbashkët u mblodhën shumë besimtarë, të cilët edhe pse larg vendit të lindjes, ruajnë traditën, besimin dhe lidhjen reciproke.

Këto takime janë dëshmi që Labunishti, kudo që ndodhen në botë, mbeten të bashkuar rreth besimit, traditës dhe respektit ndërmjet vete.

Le të shpërblejë Allahu organizatorët dhe të gjithë ata që kontribuan në realizimin e këtij iftari të bukur, dhe këto takime të vazhdojnë edhe në të ardhmen për të forcuar lidhjen vëllazërore midis popullit tonë.