Nxënësit nga shkolla jonë O.O.U "Murat Labunishti" - Labunishti sërish shkëlqyen me përpjekjen, kreativitetin dhe kuriozitetin shkencor. Në lëndën e Kimisë, përmes eksperimenteve „Tsunami di Aqua“ dhe „Fire Snake“, ata demonstruan njohuri të shkëlqyera praktike dhe aftësi në realizimin e demonstrimeve shkencore.

Ky entuziazëm dhe punë e përkushtuar solli një njohje të rëndësishme në garën „First Step Science“, ku nxënësit tanë arritën vendin e tretë nga mbi 103 projekte dhe rreth 200 nxënës. Suksesi i tyre u realizua nën mentorimin profesional të mësuesit Besart Bojku, i cili vazhdimisht i motivon dhe i drejton drejt arritjeve shkencore.

Kjo njohje përbën një dëshmi për cilësinë e nxënësve tanë dhe stafit mësimor. Urime për suksesin e merituar! Ne vazhdojmë t'i motivojmë shkencëtarët e rinj, me përkushtim edhe më të madh dhe dëshirë për suksese të reja.