Një anëtar anonim i komunitetit i bëri fëmijët në mësimet e xhamisë së Dolenës në Labunisht të gëzuar

Sot, 80 fëmijë të cilët ndjekin rregullisht mësimet në mësimoren pranë Xhamisë së Dolenës u surprizuan këndshëm nga bujaria e një anëtari anonim të komunitetit. Ai u dhuroi një shumë prej 10 eurosh për secilin fëmijë, duke shprehur mbështetjen e tij për përkushtimin e tyre ndaj studimit të fesë dhe edukimit.

Ky veprim jo vetëm që i gëzoi nxënësit, por përbën edhe një motivim shtesë për ta që të vazhdojnë me studimin e shkencave islame. Imania e xhamisë dhe prindërit e fëmijëve shprehën mirënjohje për këtë akt, duke theksuar se veprime të tilla kanë një rëndësi të madhe për komunitetin, pasi nxisin mirësinë, solidaritetin dhe dashurinë ndaj dijes.

Qoftë ky shembull frymëzim për të gjithë që të investojnë në brezat e ardhshëm, sepse njohuria dhe mirësia janë pasuria më e madhe që mund të lëmë pas vetes.