Nëse keni kaluar ndonjëherë nëpër Vevçani, sigurisht ju ka rënë në sy sa bukur dhe natyrshëm duket lumi i tyre – me gjelbërim, me rrjedhë natyrore dhe me jetë rreth tij. Një pamje e vërtetë e një fshati që kujdeset për natyrën e vet. 🌿💧

Nga ana tjetër, Lumi i Labunishtë – i cili për dekada ka qenë simbol i jetës në fshatin tonë – sot është krejtësisht i mbuluar me beton. Është humbur pamja natyrore, dhe lumi është reduktuar në një shtratin me mure, në vend që të jetë zbukurim i fshatit.

Por, pse arritëm në këtë gjendje?

Arsyeja e betonizimit është mbrojtja nga përhapja e sëmundjeve, të cilat u shfaqën si rezultat i hedhjes së pakontrolluar të mbeturinave në lumë. Vetë njerëzit e kthyen lumin në një deponi të egër. Me kalimin e kohës, në vend që ta mbajnë të pastër – u detyruam ta mbulojmë.

🙁 Por imagjinoni – nëse të gjithë së bashku do ta mbanim të pastër, sot ndoshta do të dukej si lumi në Vevçani – natyral, i gjallë dhe i bukur.

🔄 Është koha për ndryshime! Nëse duam nesër përsëri të dëgjojmë zërin e ujit, zogjve dhe të qeshurën e fëmijëve pranë lumit – duhet sot të ndalojmë hedhjen e mbeturinave dhe të fillojmë të kujdesemi.