Здравствениот дом Вевчани продолжува со унапредување на здравствените услуги и нивна поголема достапност за жителите на Вевчани, но и за населението од регионот што го опслужува преку сопствените амбуланти во Лабуништа и Велешта.

Голем новитет е воведувањето на ехо на колкчиња кај бебиња до една година, услуга која ќе се изведува со претходно закажување термин.

Оваа услуга, која официјално започнува од 1.06.2025 година, ќе биде достапна не само за бебиња од Вевчани, туку и за пациенти од Лабуништа, Струга, Охрид, Кичево и поширокиот регион.

👉 Со ова, жителите на Лабуништа конечно добиваат значително олеснување, бидејќи за ваков вид прегледи досега често мораа да патуваат во други градови. Новата услуга значи побрза, поблиска и подостапна здравствена грижа за најмладите.

🍼 Раната дијагностика е клучна за здрав и сигурен почеток во животот на секое дете.

📅 Закажувањето се врши преку системот Мој Термин во Здравствен дом Вевчани.