Sot, Muftiu i Muftinisë Strugë, H. Adi ef. Murtishi, i shoqëruar nga sekretari i Muftinisë, H. Shefit Ajredini, si dhe referenti për çështjet fetare-arsimore, H. Medin ef. Suloski, realizuan një vizitë pune në Xhaminë e Epërme në Labunishtë, në mënyrë që të njoftohen me rrjedhën e punimeve ndërtimore dhe gjendjen aktuale të xhamisë.

Delegacioni u prit nga muteveliu Safet Ismailoski dhe imami Enis ef. Maksutoski, të cilët i informuan për aktivitetet deri tani, sfidat dhe planet për përfundimin e suksesshëm të projektit.

Gjatë vizitës u shpreh falënderim ndaj gjithë bamirësve dhe besimtarëve që kontribuojnë në ndërtimin dhe rregullimin e këtij objekti fisnik. I lutemi Allahut të Plotfuqishëm t’i lehtësojë përfundimin e kësaj xhamie, të pranojë kontributin e të gjithë bamirësve dhe ta bëjë vend adhurimi, dije dhe bashkimi për brezat aktualë dhe të ardhshëm.