Në kohën e Perandorisë Osmane, fëmijët që nuk mund të prisnin gëzimin e Bajramit dhe edhe në ditën e Arefatit visheshin me rroba të reja, njerëzit i quanin "lulet e Arefatit" — Arife Çiçekleri. 🌙✨

Edhe sot e kësaj dite, në Labunisht kjo traditë ka mbetur thellësisht e rrënjosur në zemrat e njerëzve. Bajram pa "qajtet" të reja — nuk është Bajram. 😊

Fëmijët për ditë me radhë shikojnë qeset me rrobat, i hapin qindra herë, ndërsa mbrëmjen para Bajramit flenë pranë tyre, si pasuria më e madhe. Disa madje flenë me atletet pranë shtratit. ❤️

Mëngjesin e Bajramit rrugët gjallërohen. Të vegjlit vrapojnë nga shtëpia në shtëpi, por kujdes — atletet të mos u ndoten për "ditën e madhe". 😄 Krahasohen me njëri-tjetrin: cili ka atlete me shirit, cili ka xhaketë më të bukur, cili fluturon më shumë teksa vrapon në fshat. I gjithë fshati është plot me gëzim dhe qeshje fëmijësh.

Dhe më e bukura është që shumë të punësuar jashtë, pavarësisht ku janë në botë, kthehen veçanërisht në Labunisht për Bajram — vetëm për t’u blerë rroba fëmijëve dhe për të ndjerë atë magji të vjetër të Bajramit që nuk blihet me para. 🕌🤍

Këto nuk janë vetëm rroba. Janë kujtime, aroma e Bajramit, lumturi fëmijësh dhe traditë që jeton me breza.

🌙 Bajram Sherif Mubarek Olsun! 🌙 Gëzuar Bajramin! 🌙 Bayramınız Mübarek Olsun! 🌙 Bajram Šerif Mubarek Olsun! 🌙 عيدكم مبارك وكل عام وأنتم بخير 🌙 Kurban Bajrami Mubarek Olsun! 🌙 Me Fat Bajrami dhe çdo të mirë në familjet tuaja!