Me vendim të Qeverisë së Republikës së Maqedonisë së Veriut të marrë më 6 maj 2025, u ndërpre njëanshëm koncensioni për shfrytëzimin e burimeve minerale – gabro në lokacionin pranë Strizhakut, mali Jabllanicë, afër fshatit Labunishta. Vendimi hyn në fuqi nga 9 maji 2025, dhe kështu zyrtarisht përfundon kërcënimi për shkatërrimin e pasurisë natyrore të këtij rajoni.

Kjo fitore nuk erdhi rastësisht – është rezultat i luftës pa egoizëm, të qëndrueshme dhe të guximshme të popullit nga Labunishta. Qytetarët, të bashkuar dhe të vendosur, kampuan për ditë e netë në Strizhak, duke mbrojtur tokën, malet, ujin dhe të ardhmen e tyre. Në rreshtat e para ishte shoqata Natura Lab – luftëtarë ekologjik me vizion dhe zemër, të cilët arritën të mobilizojnë komunitetin, të rrisin vetëdijen dhe të mbrojnë natyrën.

Labunishtarët dëshmuan se kur populli është i bashkuar, asgjë nuk është e pamundur.

Ata dhanë shembull për të gjithë shtetin – se dashuria ndaj atdheut, zëri i drejtësisë dhe këmbëngulja janë më të forta se çdo koncension dhe interes.

Faleminderit shumë çdo individi që qëndroi në Strizhak, çdo personi që ngriti zërin e tij, shoqatës Natura Lab për përkushtimin, lidershipin dhe qëndrueshmërinë e tyre. Kjo fitore është jonë – kjo fitore është për brezat e ardhshëm!

Strizhaku mbetet i gjelbër – Labunishta do të ruajë zemrën e Jabllanicës.