Në orët e mëngjesit, rreth orës 8, në afërsi të fshatit Podgorc shpërtheu zjarr që përfshiu një sipërfaqe prej afërsisht 40 hektarësh, duke djegur bar të thatë dhe pjesërisht bimësi të ulët. Sipas informacionit fillestar, zjarri është shkaktuar nga faktor njerëzor.

Një meritor i madh për reagimin në kohën e duhur i takon aktivistit të njohur nga Podgorci, Shaban Ademoski, i cili mbërriti i pari në vendin e zjarrit dhe përmes një thirrjeje në rrjetet sociale informoi banorët për ngjarjen dhe i ftoi të ndihmojnë në shuarjen e zjarrit. Thirrja e tij ndihmoi shumë qytetarë që të organizoheshin në kohë dhe të dilnin në terren.

Në fillim në shuarje intervenuan dy automjete – nga Shërbimi i Zjarrfikësve dhe nga Policia Pyjore, të cilët nuk arritën ta menaxhojnë zjarrin vetëm. Më vonë mbërriti një automjet më i madh zjarrfikës nga Struga dhe një tjetër automjet nga Labunishta, me angazhimin e të cilëve zjarri u lokalizua me sukses.

Përveç shërbimeve profesionale, në shuarje përfshinë aktivisht edhe vullnetarë të rinj nga Podgorci që me çanta uji ndihmonin në pjesët e papërshkueshme ku nuk mund të përdorej shiringa. Ndihmë të rëndësishme dhanë edhe vullnetarë nga Labunishta.

Falë reagimit të shpejtë të zjarrfikësve, aktivistëve dhe qytetarëve, u parandalo përhapja e zjarrit dhe pasojat më të mëdha të mundshme.