Sot, përfaqësues të komuniteteve lokale nga Labunishta, Podgorc, Oktisi dhe Boroveci zhvilluan një takim pune me menaxhmentin e EVN në Strugë, ku diskutuan për problemet me furnizimin me energji elektrike me të cilat u përballën banorët e këtyre vendbanimeve gjatë periudhës së dimrit.

Në takim u trajtuan çështjet lidhur me ndërprerjet e shpeshta të energjisë elektrike, si dhe vështirësitë e tjera që shkaktuan pakënaqësi tek qytetarët.

Përfaqësuesit e EVN dhanë një premtim të fortë se në periudhën në vijim do të fillojnë aktivitetet për përmirësimin dhe forcimin e rrjetit elektrik në këto vendbanime, me qëllim sigurimin e furnizimit të qëndrueshëm dhe me cilësi të energjisë elektrike.

Nga komunitetet lokale u theksua pritshmëria që masat e paralajmëruara të zbatohen në kohë sa më të shkurtër, në mënyrë që qytetarët të mos përballen më me këto probleme, sidomos gjatë muajve të dimrit.