Nga këndvështrimi arkitektonik, ideja e një kupole prej ari mbi xhaminë Salahuddin Eyyubi hap mundësinë për transformimin e këtij objekti fetar në një simbol monumental të rajonit.

Kupola nuk është vetëm një element konstruktiv – ajo është kurora e arkitekturës islame. Me përdorimin e ngjyrës së artë, do arrihej një shprehje vizuale që tërheq vëmendjen, ngjall admirim dhe përforcon rëndësinë e objektit. Një veprim i tillë arkitektonik do të poziciononte xhaminë si një shenjë dalluese, jo vetëm për Labunishtë, por edhe për rajonin më të gjerë, njësoj si ndikimi që ka xhamia e re në Podgorcë.

Nga aspekti profesional, ndërhyrja e tillë do të ishte një bashkim i përsosur midis estetikës tradicionale islame dhe nevojës moderne për identitet vizual. Kupola prej ari do të sillte një kontrast fisnik në raport me mjedisin natyror dhe urban, duke krijuar një ekuilibër midis shpirtërisë dhe estetikës.

Për të prezantuar këtë vizion, kemi përgatitur dy imazhe – një me pamjen aktuale të xhamisë dhe një tjetër me simulimin e kupolës prej ari, siç mund të duket pas realizimit të idesë.