Futbollisti i ri Jasin Kazimoski (23) në pjesën pranverore të sezonit 2024/25 do të mbrojë ngjyrat e FK Pobeda nga Prilepi, një skuadër me traditë të pasur futbollistike që garon në Ligën e Dytë të Maqedonisë (2. MFL).

Pas dy sezoneve të suksesshme në 2. MFL me FK Karaorman (2022/23) dhe FK Novaci (2023/24), Kazimoski në afatin kalimtar veror nënshkroi me ekipin e Ligës së Parë FK Voska Sport nga Ohri. Megjithatë, për shkak të minutazhit të pamjaftueshëm në pjesën vjeshtore të kampionatit, të dyja palët e ndërprenë marrëveshjen në mënyrë të përbashkët. Në fund të afatit dimëror, futbollisti me talent pranoi ofertën e FK Pobeda, ku do të ketë mundësinë të tregojë potencialin e tij dhe të kontribuojë në garën për një renditje të mirë.

Ekipi i Labunista.mk i uron shumë sukses në klubin e ri, paraqitje të shkëlqyera dhe përparim si në karrierën futbollistike, ashtu edhe në jetën personale.