Me zemër plot emocione dhe krenari, Muftiu i Muftinisë së BFI Strugë, H. Adi ef. Murtiši, sot i dorëzoi autorizimin për mësim të Kuranit në Mektebin e Xhamisë së Lartë në Labuništa Hafize Elhana Maksutoskës.

Në të kaluarën, ajo ishte një vajzë e vogël që me kuriozitet dhe etje për dije ndiqte orët e Kur’anit. Sot, ajo bëhet mësuese e Fjalëve të Tij! Nga errësira e verbërisë, Elhana gjeti dritën në fjalët e Allahut. Me përkushtim të pafund, punë të palodhshme dhe dashuri të sinqertë ndaj fesë, ajo përfundoi Hifzin dhe tashmë do të jetë udhërrëfyese për brezat e rinj.

"Kjo është një ditë e madhe, një mrekulli e vërtetë! Elhana provoi se kur zemra është e mbushur me dritën e Kuranit, asnjë pengesë nuk është e pakalueshme. Sot, ajo bëhet dritë e dijes dhe shprese për brezat që vijnë!" – theksoi Muftiu i Strugës, H. Adi ef. Murtiši.

Me dorëzimin e këtij autorizimi, Elhana nuk mori vetëm një detyrë – ajo mori një amanet, një mision të shenjtë për të mbjellë dritën e Kuranit në zemrat e fëmijëve!

Allahu qoftë me bekime këtë rrugëtim të saj dhe ta shpërblejë me dhuratat e Tij të pafundme!

Muftinia e BFI Strugë