Aldina Muslioska nga Labunishta, e cila jeton në Malmo të Suedisë, u rendit e dyta në nivel shtetëror në konkursin e debatit me temën "Si të përmirësohen kushtet e jetesës për njerëzit në botë".

Para se të arrinte në finalen shtetërore në Stokholm, Aldina shndriti në konkursin lokal të Malmos, ku mposhti të gjithë pjesëmarrësit dhe meritoi vend ndër më të mirët në shtet. Në një konkurrencë të fortë, ajo zuri vendin e dytë të lartë, duke u vendosur vetëm disa pikë pas konkurrentes së parë.

Ky sukses është dëshmi e inteligjencës së saj, punës së palodhur, vetëbesimit dhe aftësive të shkëlqyera të të folurit. Aldina është një shembull i shkëlqyer se si të rinjtë nga Labunishta, me njohuritë dhe përkushtimin e tyre, mund të arrijnë rezultate të larta kudo që ndodhen.

Fëmijët tanë dëshmojnë çdo ditë se Labunishta ka të rinj të talentuar, të zellshëm dhe ambiciozë që përfaqësojnë me dinjitet vendlindjen nëpër botë.

Urime Aldinës për këtë sukses të madh! I urojmë shumë fitore, suksese dhe arritje edhe në të ardhmen.