Parka e automjeteve të JKP „Higjiena“ do të pasurohet me një mjet të ri për mbledhjen e mbeturinave, falë donacionit nga bashkëqytetari ynë i ri Mahir Juskoski, i cili jeton dhe punon në Itali.

Bëhet fjalë për një donacion të rëndësishëm që do të kontribuojë në përmirësimin e shërbimeve të ndërmarrjes dhe një mirëmbajtje më efikase të higjienës në vendbanim. Ky akt human dhe përgjegjës social është një dëshmi e mëtejshme se bashkëatdhetarët tanë, edhe pse larg atdheut, vazhdojnë të kontribuojnë në zhvillimin dhe përmirësimin e kushteve në vendlindjen e tyre.

Qytetarët e përshëndetën këtë veprim, duke theksuar se shembuj të tillë duhet të jenë nxitës për njerëzit e tjerë të suksesshëm nga diaspora që të ndihmojnë ku është më e nevojshme.

Nga JKP „Higjiena“ shprehën falënderime të mëdha për Mahir Juskoskin për donacionin e vlefshëm si dhe për Flamur Fejzulloskin për transportin e siguruar dhe shpresuan që shembulli i tyre të jetë frymëzim për shumë iniciativa të ardhshme humane.