Sot, në ambientet e Komunës Lokale në Labunishta, u mbajt një takim i përbashkët mes shoqatës MED nga Shkupi dhe përfaqësuesve të Komunës Lokale, shoqatës NaturaLab nga Labunishta, si dhe qytetarëve të pranishëm.

Në takim, pjesëmarrësit biseduan për nevojën e mbrojtjes së malit Jabllanicë, me theks të veçantë në zonën e Labunishtës nga nxjerrja e lëndëve minerale (gurthyesit), si dhe prerjen e tepruar dhe të paligjshme të pyjeve.

Gjatë diskutimit u shkëmbyen mendime dhe propozime për hapa konkretë dhe bashkëpunim të përbashkët me qëllim mbrojtjen afatgjatë të pasurisë natyrore të Jabllanicës.

Takimi kaloi në një atmosferë të këndshme dhe konstruktive, ndërsa pjesëmarrësit shprehën gatishmërinë për të vazhduar edhe në të ardhmen me takime dhe aktivitete të tilla për rritjen e ndërgjegjësimit publik dhe forcimin e pjesëmarrjes lokale në proceset e mbrojtjes së mjedisit.